Arwa

تازه غزل/ ډاکټر ځلاند

08.10.2010 09:01

 

خپله مو د ژوند څو لمحې خرڅي کړي

خیر که نن څو اوښکې هغې خر څي کړي

پریوتم د ښکلو په بازار کې نن

  هلته مو نن ټولي سیکې خرڅي کړي

مونږ لکه د غم په بڼو بار اوښکې

ګریوان مو وار په وار قافلي خرڅي کړي

چم کې بیا د چا خوښې په کار شوله

مونږه بیا د ژوند څو شیبې خرڅې کړي

ګرځو چې تیارو کې سرګردانه تل

 لاس کې مو دا خپلي ډیوي خرڅي کړي

ځلاند د زړه د درد په بیه ورغي

ساقي پري د شنو میو پیالي خرڅې کړي