Arwa

تازه غزل/ ځلاند

09.12.2010 22:36

هره سلګي يې له ما واخیسته حساب غواړي

قاتل چاړه په لاس ولاړ له ما ثواب غواړي

 

ستا ترهګر باڼه مې نه پریږدي د زړه قرار ته

کابل د زړه رانه کنډر ، کنډر خراب غواړي

 

پردي ټوپک او دا غلبیل ، غلبیل سینه د وطن

جانانه بس دا جوړول نور په کتاب غواړي

 

په مونږ يې ټکه د اسمانه رابللي ده بیا

خپله باران کې له پی مخو نه شراب غواړي

 

چې هر کوکنار ته سره ګلاب غاړه غړي ورشي

وطن ځلانده داسي ښکلي انقلاب غواړي