Arwa

غزل / ډاکټر ځلاند

12.05.2011 14:51

زه ورسره اوسمه نایاب به شي                                        

ښکلي عادتونه دي ګلاب به شي

 

شور کوه جانانه چې چپ نشي نور

مینې کې سوالونه دې ځواب به شي

 

نوره د ګناه  پروا  ونه ساتي

دا هم ستا نازونه دې ثواب به شي

 

اوښکو نه د ولي سبب مه پوښته

سترګو کې ډنډونه دې سیلاب به شي

 

ستا په ناز کاته ساقي او دا پیاله

سترګو ته چې ورسي شراب به شي

 

مه ساته په زړه وسواس دمیني نور

جوړ له دې احساسه اظطراب به شي

 

مړه مړه ستایادونه مې په زړه دي ښخ

پام کوه ځلانده په عذاب به شي