Arwa

تازه غزل - ډاکټر ځلاند

04.10.2009 12:44

چې مې ستا له شونډو غوړپ د اوبو وکړ
له کوثره له زمزمه شوم بیزار زه

ستا په مینه کې ناره د انا الحق کړم
د منصور په شان به خوښ شمه په دار زه

چې مې ستا دمخ کتا ب تلاوت کړي
جنتي په دنیا ګرځمه په لار زه

که مې سرو مال دا ستا په لارکې لاړشي
لا به ستا یم په لحد کې منتبار زه

د نظر له کروندې یو مو ټی بنګ را
لا په خودیم لا خو سم نه یم خمارزه

بیلتانه راته په زړه کې ناسور جوړ کړو
پریږده مړ شمه طبیبه نور بیمار زه

که ځلانده جانان هرڅو جفا کار دی
لا ځاریږم قربانیږمه له یار زه


ستاسو تبصره


لطفاً لاندې افغانستان په انګليسي تورو وليکئ.